2018ʼ лӧддза-номъя 12ʼ лунӧ Сыктывкар пасйис Россия да Кар лунъяс. Кыпыд гаж заводитчис уджалысь котыръяслӧн, творческӧй коллективъяслӧн да национально-культурнӧй ӧтувъяслӧн гажа “Россияса войтырлӧн ёртасян парадсянь”.
Колонна муніс Коммунистическӧй уличаті Театральнӧй изэрдӧдз. Министерствояскӧд, учреждениеяс-организацияяскӧд да карса гырысь предприятиеяскӧд тшӧтш муніс и миян Кыв технология сӧвмӧдан шӧрин. Войтыркӧд тшӧтш муніс Коми Республикаса Юралысь Сергей Гапликов.
Тайӧ лунӧ сыктывкарса олысьяслы да гӧсьтъяслы вӧлі дасьтӧма уна козин: концертъяс, выставкаяс, фестивальяс, ворсӧмъяс да уна мукӧдтор. Гажыс помасис сёр рытын Россияса нималана группалӧн петкӧдчӧмӧн.
